CCRE-CMRE

Europako Udalerri eta Eskualdeen Kontseiluan (CMRE) 130.000 hiri, udalerri eta eskualde federatu baino gehiago biltzen dira, Europako 40 herrialde baino gehiagoko 60 elkarte nazionalen bitartez. Europa osoan tokiko eta eskualdeetako gobernuen elkarte garrantzitsuena da. CMREk, halaber, Toki Gobernu Batuen Munduko Erakundeko (CGLU) Europako atala ere osatzen du, eta horren bitartez Europako toki eta eskualdeko administrazioak ordezkatzen ditu nazioarte mailan. Historikoki, CMRE aitzindaria izan da toki mailan genero berdintasuna lantzen. Joan den mendeko 80ko hamarkadan tokiko gobernuetarako emakume hautetsien lehenengo hitzaldiak antolatzetik, Emakumeek eta Gizonek Tokian Tokiko Bizimoduan izan behar duten Berdintasunerako Europako Gutuna ezarri arte; gaur egun Europako 34 herrialdetako 1.650 hiri sinatzaile baino gehiago ditu.

www.cemr.eu | @ccrecemr

Bilboko Udala

Bilboko metropolialdeak Euskadiko jardun ekonomikoaren eta populazioaren erdia hartzen du gutxi gorabehera, eta Europako eskualderik lehiakorrenetako bat da. Erronkak aukera bihurtzen jakin duen hiria da Bilbo. Industria aroaren gainbeheraren ondorioz, aldatzeko premiak industria ondorengo metropoli berrien bidea zedarritu du. Azken 30 urteetan Bilbok bilakaera nabarmena egin du hiri moderno eta segurua izatera iristeko, hau da, leku eraginkor, abegitsu eta erakargarria bizitzeko, lan egiteko eta bisitatzeko. Gaur egun, hiriaren giroak eta ingurune ekonomiko eta sozialak teknologia berriak garatzea estimulatzen dute, industria berritzailea eta balio erantsi altukoa sustatzen dute eta gizarte aurreratu baten berezko zerbitzuak, turismoa, kultura eta aisialdia bultzatzen dute. Mundu aurrean zabalik dagoen hiria da Bilbo.

www.bilbao.eus

EUDEL- Euskadiko Udalen Elkartea

EUDEL Euskadiko udalgintzaren erreferentea da, eta solaskide baliagarri eta eraginkorra da Tokiko Gobernuen eta gainerako erakundeen arteko harremanean, politika publikoen koordinazioan eta adostasunean. Elkarte gisa, bere egiteko nagusia denok elkartzeko moduko espazioa eskaintzea da, Tokiko Gobernuen interes orokorrak ordezkatuz. Bere helburuen artean, hauek nabarmendu behar dira:

  • · Tokiko Gobernuen eta beste erakundeen arteko solaskidetza elkartzea, politika publikoak diseinatu, prestatu eta betearazteko asmoz. 
  • · Udal autonomia sustatu eta defendatzea.
  • · Espiritu eta konpromiso europarra garatzea Euskadiko Tokiko Gobernuen artean, euren parte-hartzea eta ordezkaritza sustatuz Europako eta nazioarteko erakundeetan.

EUDELek Europarekiko konexioa ahalbidetzearen alde egiten du lan, Euskadiko udalen ekintzak eta praktika onak ezagutaraziz eta Euskadiren interesei erantzuten dieten Europako politiken definizioan parte hartuz.

Europako esparruan, EUDELek Euskadiko tokiko boterea ordezkatzen du Europako Udalerri eta Eskualdeen Kontseiluan (CMRE) eta Europako Kontseiluko Toki eta Eskualde Botereen Kongresuan (CPLRE). Gainera, 2015eko uztailean, CMREk Berdintasun Batzorde Iraunkorreko (Standing Committee for Equality) Presidentzia eman zion EUDELi, eta, gaur egun, Ibon Uribe Galdakaoko alkatea dago postu horretan.

EUDELek Emakumeen eta Gizonen Tokiko Bizitzako Berdintasunerako Europako Ituna hartzen du erreferentzia gisa, eta, 2009tik, Berdintasunaren Aldeko eta Emakumeenganako Indarkeriaren Aurkako Euskadiko Udalen Sarea (Berdinsarea) sustatzen eta koordinatzen du. Sare hori Maila Askotako Gobernantzaren Europako ereduan dago inspiratuta, eta Eusko Jaurlaritzaren babesa ere badu, Emakumearen Euskal Erakundearekiko (Emakunde) lankidetza-hitzarmenaren bitartez. Era berean, Euskal Autonomia Erkidegoko hiru lurraldeetako (Araba, Bizkaia eta Gipuzkoa) Foru Aldundiekin koordinatuta dago.

Informazio gehiago:

EUDEL-antolakuntza eta profil instituzionala
BERDINTASUN SAILA
EUDELek Berdintasun arloan egiten duen lana (nazioarteko esparrua)
www.eudel.eus